Forcimi i shtetit shqiptar dhe ngritja ekonomike e vendit pas vitit 1925 ndikuan drejtpërdrejt në zhvillimin e mëtejmë të jetës kulturore shqiptare si pas shembullit të vendeve europiane , ku ndikuan edhe proceset politike – shoqërore të diasporës shqiptare . Krahas shtëpive të reja , që po ndërtonte borgjezia tregtare , u ndërtuan dyqane të tipit të ri , u ngritën lokale publike , si kafene , restorante e hotele .
Hyri në përdorim gjithashtu edhe gramafoni e më pas edhe radioja . Në vitin 1938 u ngrit për herë të parë në Shqipëri , Stacioni Kombëtar Radiofonik . Zhvillimi u duk edhe në mënyrën e jetesës , veçanërisht në qytet , ku po modernizohej veshja , pajisjet e shtëpive dhe format e organizimit të jetës shoqërore . Me vendim të veçantë u ndalua mbulimi i fytyrës së grave dhe të vajzave . Ashtu si në vendet e tjera , edhe në Shqipëri arsimi përbënte themelet mbi të cilat do të mbështetej zhvillimi i të gjithë jetesës kulturore , arstistike e qytetare .
Gjatë viteve 1925 – 1939 u rrit më tej numri i shkollave , u forcua shkolla fillore , u krijua sistemi i plotë i arsimit të mesëm të përgjithshëm dhe profesional . Rol të rëndësishëm luajtën figurat e shquara të shkollës shqipe , si Mirash Luanaj , Hilë Mosi , Aleksandër Xhuvani , Ahmet Gashi , Jani Minga etj . Deri në vitin 1939 në Shqipëri kishte 643 shkolla fillore dhe 18 shkolla të mesme , por megjithatë Shqipëria mbetej njëra ndër vendet e varfëra në Ballkan . Mbi 80% e popullsisë ishte e pashkolluar dhe gjendja më e keqe ishte në fshatra ku mbizotëronte analfabetizmi .
Përparime të rëndësishme kishte edhe letërsia . Krahas shkrimtarëve të mëdhenj të rilindjes , dolën edhe pena të reja si Ernest Koliqi , Lasgush Poradeci , Migjeni , Nonda Bulka , Ali Asllani , Haki Stërmilli etj . Krijimet letrare të Gjergj Fishtës , Fan Nolit , Ndre Mjedës , Migjenit etj ., arritën nivelet bashkëkohore të letërsisë ballkanike e evropiane . Poeti më në zë i viteve ’20 – 30′ u bë Gjergj Fishta me veprën e tij “Lahuta e Malcis” ku me mjeshtëri poeti trajton ngjarjet kryesore të popullit shqiptar gjatë viteve 1878 – 1912 .
Përkthyes i shumë veprave botërore shquhej Fan Noli ku përktheu veprat e William Shekspirit , Migel De Servantesit etj . Qendra kryesore e botimit të gazetave u bënë Tirana , Shkodra dhe Korça . Vlen të përmenden gazetat “Demokratia” në Gjirokastër , “Besa” dhe “Iliria” në Tiranë dhe revistat “Hylli i Dritës” , “Leka” në Shkodër , “Bota e re” , “Përpjekja Shqiptare” në Tiranë etj . Në fushën e teksteve shkollore u dalluan Aleksandër Xhuvani , Llukë Karafili etj ., dhe për historinë e letërsisë u dalluan studimet e Eqrem Çabejt dhe Ilio Mitkë Qafëzezit .
bravo brilant sic ke emrin je dhe vet edhe njehere bravo
bravo avdall ter jeten do ngelesh
bravo